د مرکزي کنټرکټونو په نوي ماډل کې د لوی بدلون امکان

لاهور (روزنامہ نوې ژوند پښتو کوټه): د پاکستان د ملي کرکټ لوبغاړو د مرکزي کنټرکټونو مالي ماډل به د جون په ۳۰مه پای ته ورسېږي، او نوی کنټرکټي دوره به د جولای له لومړۍ نېټې څخه پیل شي.د سرچینو په وینا، د پاکستان کرکټ بورډ (PCB) مشر محسن نقوي به د مالي ماډل په اړه وروستۍ پرېکړه کوي، او تمه ده چې په نوي کال کې د مرکزي کنټرکټونو په جوړښت کې لوی بدلونونه راشي.د پخواني چیئرمین ذکا اشرف په دوره کې په ۲۰۲۳ کال کې د درې کلونو لپاره نوی مالي ماډل معرفي شوی و، چې د اوسني مشر محسن نقوي په وخت کې په بشپړ ډول نه و بدل شوی، خو د لوبغاړو د فټنس او پرفارمنس له مخې په کټګوریو کې بدلونونه روان وو.سرچینې وایي چې له جولای څخه د نوو مرکزي کنټرکټونو لړۍ پیل کېږي او د نومونو په اړه لومړنۍ مشورې روانې دي. تېر کال ۳۰ لوبغاړو ته مرکزي کنټرکټونه ورکړل شوي وو، چې پکې لومړی ځل په A کټګورۍ کې هېڅ لوبغاړی شامل نه و.د سرچینو په وینا، په نوي کنټرکټونو کې د پراخو بدلونونو امکان شته، او له موجودو لوبغاړو څخه د ځینو د کټګورۍ ښکته کېدل او د ځینو نورو پرمختګ متوقع دی.ویل کېږي چې محمد نواز، عبدالله شفیق، فهیم اشرف، حسین طلعت او خوشدل شاه د پاتې کېدو چانس کم لري، خو ازان اویس او عبدالله فضل په ګډون د ډومیسټک کرکټرانو د شاملېدو امکان څرګند شوی دی.