د وحدت کالونۍ پېښه: وژل شوې مېرمن د غمجنو صحنو په منځ کې خاورو ته وسپارل شوه

کوټه(نوې ژوند ویب نیوز) د وحدت کالونۍ په دردناکه پېښه کې وژل شوې مېرمن نن د سختو امنیتي تدابیرو او ژورې خواشینۍ فضا ترمنځ خاورو ته وسپارل شوه. د جنازې او تدفین پر مهال د مېرمنې کورنۍ، خپلوانو، د سیمې اوسېدونکو او ګڼ شمېر خلکو ګډون کړی و او د هغې د بخښنې او لوړ مقام لپاره یې دعاوې وکړې. د راپور له مخې، د مرحومې پلار د سخت غم له امله ډېر خواشینی او غمجنه حالت کې و او د خپلې لور په یاد یې اوښکې تویولې. د کورنۍ غړو ویلي چې همدا لور یې څه موده وړاندې د خوښیو او هیلو سره واده کړې وه، خو نن یې په کفن کې وروستی سفر ترسره شو. ګډونوالو دغه پېښه د ټولنې لپاره ستره غمیزه وبلله او له حکومت او قانون پلي کوونکو ادارو یې وغوښتل چې د کورني تاوتریخوالي د مخنیوي لپاره اغېزمن قوانین عملي او مسؤل کسان عدالت ته راکش کړي.