کوټه (وېب نیوز)د مري ایکسپریس وې پر سړک د موټر د اور لګېدو په غمجنې پېښه کې د 10 مسافرو له مړینې وروسته د موټر چلوونکي پر ضد مقدمه ثبت شوې ده. د موټروې پولیسو د یوه انسپکټر په عریضه کې د غیر ارادي قتل، چټک رفتار، غفلت او بې احتیاطۍ له امله د موټر چلولو مادې شاملې شوې دي. د ایف آی آر له مخې چلوونکي موټر په تېز رفتار چلاوه چې موټر ښوېېدلی او یوه نالې ته لوېدلی و، وروسته د خونديتوب په دېوال کې بند پاتې شو او دروازې یې خلاصې نه شوې. راپور زیاتوي چې وروسته په موټر کې ناڅاپه اور ولګېد او مسافرو د وتلو فرصت ونه موند، چې له امله یې 10 کسان مړه شول، په مړو کې 5 ماشومان هم شامل دي. د مقدمې له مخې په دې پېښه کې د 7 ماشومانو په ګډون 16 کسان ټپیان شوي دي. پولیس وایي د پېښې مسؤل چلوونکی له ځایه تښتېدلی او د نیولو لپاره یې هڅې روانې دي، په داسې حال کې چې د پېښې نورې پلټنې هم دوام لري.
دجنوبي پښتونخوا لمړی ورځپاڼه | ورځپاڼه نوي ژوند کوټه
ځاي خبرونو
اشتہار
د پاک چین دوستي دې ژوندۍ وي
د پاک چین دوستي دې ژوندۍ وي