تفتان کې پاکستانی سوداګرو ته د تجارتي ویزو اسانتیا بېرته بحال شوه

تفتان (ویب نیوز) د پاک ایران پولې پر تفتان ایف آی اې امیګرېشن ګېټ د پاکستانی سوداګرو لپاره تجارتي ویزې له نږدې یو کلن ځنډ وروسته بیا بحالې شوې، چې له امله به سوداګرو ته ایران ته د تګ راتګ او کاروباري اړیکو په برخه کې اسانتیاوې برابرې شي. د بلوچستان حکومت د هوم ډیپارټمنټ د نوټیفکیشن له مخې د ۲۰۲۶ کال د جون له ۱۱مې نېټې څخه د تجارتي ویزو پر بنسټ سفر ته بیا رسمي اجازه ورکړل شوې ده. سوداګرو د دې پرېکړې هرکلی کړی او ویلي یې دي چې د دې ګام له امله به سرحدي تجارت، واردات او صادرات زیات او د سیمې اقتصاد لا پیاوړی شي.