په برېتانیا کې د مسلمانانو پر ضد تعصب شته، نوې سروې څرګندوي

کوټه (ویب نیوز) د یوې نوې سروې له مخې د برېتانیا ډېری وګړي دا مني چې په ټولنه کې د مسلمانانو پر ضد تعصب موجود دی. د سروې له مخې ۶۳ سلنه کسانو ویلي چې مسلمانان له تبعیضي چلند سره مخ دي، او ۶۱ سلنه خلکو د دغه تعصب د له منځه وړلو لپاره د حکومتي اقداماتو ملاتړ کړی دی. سروې دا هم ښيي چې ۵۷ سلنه برېتانویان باور لري مسلمانان او غیر مسلمانان کولی شي په سوله ییز ډول یو ځای ژوند وکړي، خو ځینو کسانو د مسلمانانو د نفوس د زیاتوالي او ملي هویت په اړه اندېښنې هم څرګندې کړې دي.