قومي اسمبلۍ کې د محمود خان اڅکزي د سنسر شوې وینا پر ضد سخت احتجاج

اسلام‌آباد (ویب نیوز)د ملي اسمبلۍ د اپوزیسیون مشر، د پښتونخوا ملي عوامي ګوند (پښتونخوا میپ) مشر او د تحریک تحفظ آئین پاکستان رهبر محمود خان اچکزئی په قومي اسمبلۍ کې د خپلې وینا د سنسر کېدو او د رسمي فېسبوک پاڼې څخه د هغې د مهمو برخو د حذف کولو پر ضد سخت احتجاج وکړ. نوموړي وویل چې د سپیکر دنده د ایوان د بې پرې ساتونکي په توګه ده، نه دا چې د سیاسي مخالف په څېر چلند وکړي. اڅکزي د قرآن کریم د آیتونو په رڼا کې د خبرونو د تصدیق، عدالت او تقوا پر اهمیت ټینګار وکړ او ویې ویل چې هر هغه اقدام چې د ولس، جمهوریت او قانون په ګټه وي، ملاتړ به یې کوي. هغه د افغانستان د خپلواک حیثیت د درناوي غوښتنه وکړه، د «پنځم ولایت» او «سټراټېژیک ډېپت» مفکورې یې رد کړې، د خپلواکې عدلیې، ازادو رسنیو او د سیاسي بندیانو د خوشې کېدو غوښتنه یې وکړه او خبرداری یې ورکړ چې د اختلاف غږ چوپول او د پارلمان دننه د استازو د ویناوو سنسر کول د هېواد د جمهوري نظام او سیاسي ثبات لپاره خطرناک عمل دی.