د زندان د اصلاحاتو کنفرانس، مریم نواز د بند پر مهال خپلې تجربې بیان کړې

لاهور (وېب نیوز) د پنجاب اعلیٰ وزیرې مریم نواز د زندان د اصلاحاتو کنفرانس ته په وینا کې وویل چې نه غواړي سیاسي خبرې وکړي، بلکې د زندان پر مهال د خپلو شخصي تجربو پر بنسټ یې د زندانونو د اصلاحاتو پروګرام پیل کړی دی. هغې وویل، د بند پر مهال یې یوه ورځ د شکر کچه ډېره راټیټه شوه، د مرستې لپاره یې چیغې ووهلې خو هېڅوک ورنه غبرګون ونه ښود. هغې زیاته کړه چې اړ شوه له مات شوي بوتل څخه ګوړه وخوري، له همدې امله یې اوس په زندانونو کې د بیړني مرستې (پېنک بټن) سیستم فعال کړی دی. مریم نواز وویل چې د اوږدې مودې لپاره په یوازې بند کې ساتل شوې وه، د خونې نیمه برخه بې له جلا تشنابه د تشناب په توګه کارېدله او نه پوهېده چې د لمانځه ځای به چېرته جوړ کړي. هغې دا هم وویل چې د خپلې مور د ژوند وروستیو شېبو کې ورسره ونه رسېده، او همدغو سختو تجربو دې ته وهڅوله چې د زندانونو د اصلاح لپاره عملي ګامونه پورته کړي. د کنفرانس له پیل مخکې د پنجاب د زندان اصلاحاتو په اړه یوه مستنده ویډیو هم نندارې ته وړاندې شوه.