د هنه اوړک پېښه: د جمعیت علماء اسلام مشرانو د احتجاجي پرلت ملاتړ وکړ، د شهیدانو له کورنیو سره یې خواخوږي څرګنده کړه

کوټه (ویب نیوز): د جمعیت علماء اسلام د کوټې ضلعي امیر شیخ الحدیث مولانا عبدالرحمن رفیق، ضلعي جنرل سېکرټري حاجي عین الله شمس او نورو مشرانو د هنه اوړک د پېښې د شهیدانو د کورنیو په روان احتجاجي پرلت کې ګډون وکړ او له اغېزمنو کورنیو سره یې بشپړه خواخوږي څرګنده کړه. مشرانو وویل چې په بلوچستان کې د امن او نظم وضعیت ورځ تر بلې خرابېږي او حکومت د خلکو د سر او مال په ساتنه کې پاتې راغلی دی. دوی د زیارت د کچ مانګي په سیمه کې پر لیویز او پولیسو برید هم په کلکو ټکو وغانده او غوښتنه یې وکړه چې د ترهګرۍ د مخنیوي، د تښتول شوو کسانو د ژر راخوشې کولو او په صوبه کې د امن د ټینګښت لپاره دې بېړني او اغېزمن اقدامات وشي.