د بلوچستان د پبلک اکاونټس کمېټې غونډه کې د دوبۍ اېکسپو 2020 فنډونو کې د بې‌ضابطګيو انکشاف

کوټه (وېب نیوز) د بلوچستان اسمبلۍ د پبلک اکاونټس کمېټې په غونډه کې د دوبۍ اېکسپو 2020 د بلوچستان پویلین په اړه د ځانګړي آډټ راپور جاج واخيستل شو، چې پکې د ميليونونو روپيو قراردادونه د سيالۍ له داوطلبۍ پرته د ورکولو او د مالي اصولو د سرغړونو نښې په ګوته شوې. د کمېټې مشر اصغر علي ترين د هغه وخت اړوند سکرتر، د ليډا اېم ډي او نورو مسؤلو افسرانو ته امر وکړ چې په راتلونکې غونډه کې بشپړ ريکارډ او وضاحت وړاندې کړي، ګني موضوع به نېب يا د بدعنوانۍ ضد ادارې ته وسپارل شي.