د دښمن استخباراتي ادارو له ټولو دسیسو خبر یو، د پاکستان امن او ثبات ته به زیان ونه رسېږي فیلډ مارشل

اسلام آباد (وېب نیوز) فیلډ مارشل سید عاصم منیر د نېشنل ډیفنس پوهنتون د سیکیورټي او وار کورس فارغ افسرانو ته د وینا پر مهال وویل چې د پاکستان وسله وال ځواکونه د دښمن استخباراتي ادارو له هغو ټولو دسیسو بشپړ خبر دي چې موخه یې د هېواد بې ثباته کول دي. نوموړي وویل چې د پاکستان داخلي امن، ثبات او اقتصادي پرمختګ ته به هېڅ ډول زیان ونه رسېږي او د ترهګرو، د هغوی د ملاتړو او سرحد پورې غاړې ترهګرۍ پر ضد به بې رحمه مبارزه روانه وي. هغه زیاته کړه چې جګړې یوازې په شعارونو نه، بلکې په ایمان، اتحاد، نظم او مسلکي وړتیا ګټل کېږي او وسله وال ځواکونه هر وخت د هېواد د دفاع لپاره بشپړ چمتو دي.