د زیارت پېښه، د ۲۱ شهیدو پولیس سرتېرو پېژندنه بشپړه، مړي خپلو کورنیو ته وسپارل شول

کوټه (وېب نیوز) د زیارت په ترهګریز برید کې د بلوچستان د پولیسو د ۲۱ شهیدو سرتېرو پېژندنه بشپړه شوې او د قانوني او طبي مراحلو له بشپړېدو وروسته یې مړي خپلو کورنیو ته سپارل شوي دي. چارواکو ویلي چې شهیدان به په خپلو سیمو کې په رسمي دولتي درناوي خاورو ته وسپارل شي. د پولیسو په وینا دغو سرتېرو په زړورتیا د ترهګرو پر وړاندې جګړه وکړه او د هېواد او ولس د ساتنې لپاره یې خپل ژوند قرباني کړ. چارواکو ټینګار کړی چې د ترهګرو او د هغوی د ملاتړو پر ضد به بې له توپیره عملیات دوام ولري.