د چاغي ښار کې د وسلوالو د بریدونو راپورونه، پر دولتي ودانیو د حملو ادعاوې

دالبندین (وېب نیوز) د چاغي ولسوالۍ په چاغي ښار کې د وسلوالو کسانو له لوري پر بېلابېلو دولتي تاسیساتو د بریدونو او نیولو راپورونه ترلاسه شوي، خو تر اوسه یې رسمي پخلی نه دی شوی. د سرچینو په وینا، وسلوالو د پولیسو پر تاڼه، دولتي دفترونو او بانکونو شاوخوا حضور درلود، د پولیسو تاڼه یې وسوځوله، ریکارډ او دولتي موټرونه یې زیانمن کړل او د یوې امبولانس د وړلو ادعا هم شوې ده. له دې امله د ښار پر مهمو لارو ناکې ولګول شوې او په سیمه کې ویره خپره شوه، خو تر اوسه د ولسوالۍ ادارې او پولیسو رسمي دریځ نه دی خپور کړی.