په مستونګ کې د ژلي پوليس پوستې ته نږدې د نامعلوم کس مړی وموندل شو

مستونګ (وېب نیوز) د مستونګ د ژلي پوليس پوستې ته نږدې د قومي لويې لارې پر غاړه د يو نامعلوم کس مړی موندل شوی، چې تر اوسه يې پېژندنه نه ده شوې. ځايي خلکو ويلي، مړي اسماني رنګه جامې اغوستې وې او په پښو کې يې څپلۍ وې. د سيمې اوسېدونکو ادعا کړې چې د خبر ورکولو باوجود پوليس او ژغورنې ډلې په ځنډ سره سيمې ته ورسېدې، چې له امله يې اندېښنې څرګندې شوې. چارواکو مړی روغتون ته لېږدولی او د پېژندنې او د پېښې د څرنګوالي د معلومولو لپاره يې پلټنې پيل کړې دي.