د اغېزمن او ولسي عدلي نظام لپاره د ادارو ترمنځ همغږي اړينه ده چيف جسټس يحيیٰ آفريدي

اسلام آباد (ويب نيوز) د پاکستان سترې محکمې مشر قاضي جسټس يحيیٰ آفريدي ويلي، د عدلي چارو د ښه تنظيم، مسلکي وړتياوو د لوړولو او ولس ته د غوره عدلي خدمتونو د وړاندې کولو لپاره د ادارو ترمنځ همغږي او د غوره تجربو تبادله اړينه ده. نوموړي د آزاد کشمير سترې محکمې له پلاوي سره د ليدنې پر مهال وويل، د عدليې روان اصلاحاتي پروګرام د شفاف، ولسي او ټېکنالوژۍ پر بنسټ د عدلي نظام د پياوړتيا لپاره روان دی. پلاوي ته د اي-فائلنګ، ويډيويي اورېدنو، ډيجيټل کيس مېنجمنټ او نورو عصري اصلاحاتو په اړه هم معلومات ورکړل شول.