د پاکستان د خزانې وزیر له خپل امریکايي سیال سره ولیدل، د بهرنیو اسعارو د زېرمو د زیاتولو لپاره یې د همکارۍ غوښتنه وکړه

کوټه (ویب نیوز): د پاکستان د خزانې وفاقي وزیر محمد اورنګزیب په واشنګټن کې د امریکا د خزانې له وزیر سکاټ بېسنټ سره ولیدل او د بهرنیو اسعارو د زېرمو د زیاتولو، نړیوالو پانګیزو بازارونو ته د ښه لاسرسي او د پاکستان د خپلواک کریډیټ درجه بندۍ د ښه والي لپاره یې د امریکا د همکارۍ غوښتنه وکړه. د خزانې وزارت د اعلامیې له مخې، نوموړي د سیمې د جیوپولیټیک وضعیت له امله د پاکستان پر اقتصاد د احتمالي اغېزو یادونه هم وکړه او د پاکستان د «روډ ټو مارکیټ» ستراتیژۍ لپاره یې د امریکا د لا زیات ملاتړ غوښتنه وکړه. دواړو لورو په پاکستان کې د امریکايي پانګونې د پراختیا او د ستراتیژیکو پروژو د پرمخ وړلو پر ژمنتیا هم ټینګار وکړ.