په چاغي کې د روغتیايي اسانتیاوو او واکسینېټرانو د ستونزو د هواري غوښتنه

دالبندین(نوې ژوند وېب نيوز) د چاغي الایډ هېلت آرګنایزېشن د ولسوالۍ په غونډه کې د روغتیايي بنسټیزو اسانتیاوو د ښه والي، د واکسینېټرانو او نورو روغتیايي کارکوونکو د ستونزو تفصیلي جاج واخیستل شو. د غونډې مشري د ولسوالۍ مشر کامرېډ الله نور بلوچ وکړه، چې پکې چیف آرګنایزر میر حمل خان نوتیزئي، چیئرمین زین شیر بلوچ، جنرل سېکرټري عزیز راسکوئي، پیر بخش نوتیزئي او بغداد شاه نوتیزئي هم ګډون درلود. ګډونوالو په لرې پرتو سیمو کې دنده ترسره کوونکو واکسینېټرانو د ستونزو او خلکو ته د معیاري روغتیايي خدماتو د وړاندې کولو پر وړاندې د خنډونو په اړه اندېښنه څرګنده کړه او له روغتیا ریاست څخه یې وغوښتل چې د روغتیايي کارکوونکو مسلکي ستونزې ژر تر ژره حل کړي، ترڅو خلکو ته غوره روغتیايي خدمات برابر شي.