سنځاوي، کلي بغاو کې تشه د پولیسو پوسته د چاودېدونکو توکو په وسیله ویجاړه شوه

سنځاوي (وېب نيوز) د سنځاوي په کلي بغاو سیمه کې وسله‌والو کسانو یوه تشه د پولیسو پوسته د چاودېدونکو توکو په وسیله په چاودنه کې ویجاړه کړې ده. د سرچینو په وینا، د چاودنې پر مهال پوسته تشه وه، له همدې امله په پېښه کې د مرګ‌ژوبلې راپور نه دی ورکړل شوی. له پېښې وروسته امنیتي ادارو په سیمه کې عملیات پیل کړي، په داسې حال کې چې د چاودنې د څرنګوالي او د پېښې د احتمالي عاملینو په اړه پلټنې روانې دي.