د عمران خان روغتون ته د لېږد پر پرېکړه د بیاکتنې عریضه بېرته

سترې محکمې د عمران خان روغتون ته د لېږد په اړه د محکمې د پرېکړې پر ضد د اسلام اباد د چیف کمشنر له خوا د بیاکتنې عریضه له اعتراضونو سره بېرته ستنه کړې، د سرچینو په وینا د عریضې سره د اړوندو اسنادو او کاغذي دوسیو د بشپړ نه‌والي اعتراض شوی او د رجسټرار دفتر د اعتراضونو له لرې کېدو وروسته به عریضه بیا جمع کېږي، حکومت په عریضه کې دریځ خپل کړی چې د زندان په قوانینو کې روغتون ته د بندیانو د لېږد کړنلاره روښانه ده او په عدالتي پرېکړه کې د زندان قوانین له پامه غورځول شوي، په عریضه کې دا هم ویل شوي چې له اړوندو خواوو ته له خبرتیا ورکولو پرته حکم صادر شوی او د قضیې په لنډمهاله پړاو کې د وروستي ډول اسانتیا حکم نه شي کېدای، د یادونې وړ ده چې سترې محکمې دوه ورځې وړاندې په خپل لیکلي حکم کې عمران خان ته روغتون ته د دوو ورځو دننه د لېږد او د متخصصو ډاکټرانو د طبي پلاوي د جوړولو امر کړی و، محکمې د کورنۍ لپاره په اوونۍ کې د یوې لیدنې اجازه، په روغتون کې د امنیت د یقیني کولو، د طبي اسنادو د وړاندې کولو او د روغتون له مخې د سیاسي غونډو د نه جوړېدو لارښوونې هم کړې وې۔