په کوټه کې د سبزیو او اوړو بیې په بېساري ډول لوړې شوې، ولس له سختې ستونزې سره مخ

کوټه ( ویب ڈیسک ) د بلوچستان په صوبایي مرکز کوټه کې د سبزیو، اوړو او نورو خوراکي توکو د بیو په بېساري لوړوالي سره ولس له سختې ستونزې سره مخ دی، خو د ځايي ادارې پر ضد د بې‌پروايۍ نیوکې کېږي. د معلوماتو له مخې په کوټه کې ګرانۍ د خلکو ملا ماته کړې او د ټماټرو، کچالو، زړو کچالو، پیازو، بامیو، کریلو، تورۍ، شنو مرچکو، ګشنیزو، بورې، اوړو او دالونو بیې په چټکۍ سره لوړې شوې دي. ښاریانو شکایت کړی چې د ګرانۍ دې توپان د هغوی کورني بودیجې سختې اغېزمنې کړې دي او د سبزیو د بیو زیاتوالي له امله بېوزله او منځنۍ طبقه د دوو وخته ډوډۍ برابرولو له ستونزې سره مخ ده. د کوټې په بېلابېلو سیمو کې د سبزیو بیې لوړې شوې دي، په داسې حال کې چې د خوراکي توکو د بیو د زیاتوالي پر وړاندې ځايي اداره د نندارچیانو په څېر چوپه خوله پاتې ده. ښاریانو له حکومت څخه غوښتنه کړې چې د ګرانۍ د کنټرول لپاره اغېزمن اقدامات وکړي، څو بېوزله او منځنۍ طبقه وکولای شي له دې سخت اقتصادي فشار څخه ووځي او د سکون ساه واخلي.