چاغي کې په زیارت بلانوش کې د لوکل ګورنمنټ رېسټ هاوس ته اور واچول شو

چاغي ( ویب ڈیسک ) د چاغي ولسوالۍ د زیارت بلانوش یونین کونسل په سیمه کې نامعلومو وسله والو کسانو د لوکل ګورنمنټ په رېسټ هاوس کې له ماتولو او ورانولو وروسته قیمتي سامان له ځان سره وړی او ودانۍ یې سوځولې ده. د پولیسو د سرچینو له مخې، پېښه د چاغي تاڼې په حدودو کې شوې، چېرته چې وسله والو کسان رېسټ هاوس ته ننوتي، سامانونه یې مات کړي او د راپورونو له مخې یو شمېر قیمتي توکي یې له ځان سره وړي دي. سرچینې وايي، وسله والو وروسته د رېسټ هاوس ودانۍ ته اور واچاوه چې له امله یې ودانۍ او نور سامانونه زیانمن شوي دي. د پېښې له خبر ترلاسه کولو سره سم انتظامیه او پولیس سیمې ته ورسېدل، شواهد یې راټول کړل او د پېښې په اړه یې نورې پلټنې پیل کړې. پولیس وايي، د مالي زیان اندازه او نور جزئیات به د تحقیقاتو له بشپړېدو وروسته معلوم شي.