کابینې د ځوانانو د ملي پالیسۍ اصولي منظوري ورکړه

اسلام‌اباد( ویب ڈیسک ) د وزیراعظم شهباز شریف په مشرۍ د وفاقي کابینې په غونډه کې د تنکیو ځوانانو او ځوانانو د ملي پالیسۍ اصولي منظوري ورکړل شوه. د اعلامیې له مخې د دې پالیسۍ موخه د ځوانانو د پیاوړتیا لپاره یو منظم ملي چوکاټ جوړول دي، چې څلور بنسټیزې برخې یې زده‌کړه، روزګار، ټولنیز ګډون او چاپېریال دي او د حکومت په کچه به ځوانان په ملي بهیر کې شاملېږي. غونډې ته وویل شول چې د پالیسۍ د جوړولو لپاره په ټول هېواد کې ۳۲ زره ۱۴۵ سروې ګانې ترسره شوې او د دوو لکو څخه د زیاتو ځوانانو نظرونه اخیستل شوي دي. وزیراعظم شهباز شریف لارښوونه وکړه چې د کابینې د غړو وړاندیزونه هم په پالیسۍ کې شامل کړل شي. کابینې د دولتي ملکیتونو، اقتصادي همغږۍ او قانون جوړونې اړوندو کابینې کمېټو د بېلابېلو غونډو پرېکړې هم تایید کړې.