قلعه عبدالله کې د پولیسو پوستې ته نږدې د لاسي بم برید؛ مرګ ژوبله نشته

قلعه عبدالله(ویب نیوز) د قلعه عبدالله ولسوالۍ د جنګل پیرعلیزي په سیمه کې نامعلومو کسانو د پولیسو پوستې ته نږدې لاسي بم غورځولی او له پېښې وروسته تښتېدلي دي. د پولیسو د سرچینو له مخې، لاسي بم په زورورې چاودنې سره وچاودېد، خو خوشبختانه په پېښه کې د مرګ ژوبلې او مالي زیان راپور نه دی ورکړل شوی. له چاودنې سمدستي وروسته پولیسو سیمه محاصره کړه او د لټون عملیات یې پیل کړل. د پولیسو چارواکو ویلي چې د پېښې د بېلابېلو اړخونو څخه پلټنې روانې دي او د تښتېدلو بریدګرو د نیولو لپاره اقدامات دوام لري.