بلوچستان د پرمختګ او امن لپاره به ګډ کار کوو

کوټه (ویب نیوز) — د پاکستان مسلم لیګ (ن) پارلماني مشر او د صوبايي مواصلاتو وزیر میر سلیم خان خوڅې ویلي، چې د وخت غوښتنه دا ده چې ټول په ګډه د بلوچستان د تعمیر او پرمختګ، د امن او امان د بیا ټینګښت او د هېواد دښمنو عناصرو پر وړاندې خپل رول ادا کړو. نوموړي له اے این این نیوز سره په خبرو کې وویل، چې اوسني حکومت د پرمختګ په برخه کې ګڼې لویې منصوبې ځانګړې کړې دي، چې د بشپړېدو سره به بلوچستان د پرمختګ پر لور روان شي. هغه وویل، پاکستان مسلم لیګ (ن) هغه واحده سیاسي او جمهوري ډله ده چې تل یې د هېواد او ولس د پرمختګ لپاره خپل رول ادا کړی او په راتلونکي کې به هم دې لړۍ ته دوام ورکړي. نوموړي زیاته کړه، چې حکومت د امنیتي ځواکونو او په ځانګړي ډول د پاکستان پوځ سره په ګډه د ترهګرۍ پر وړاندې پیل شوې مبارزه په بریالیتوب سره تر پای ته رسولو پورې رسوي او په راتلونکي کې به د ترهګرۍ بشپړ خاتمه یقیني کړي. هغه وویل، په بلوچستان کې یو ځل بیا ځینې عناصر د حالاتو د خرابولو لپاره په سازشونو کې لاس لري، خو د هغوی هڅې نه په تېر وخت کې بریالۍ شوې او نه به یې په راتلونکي کې بریالیتوب ته پرېږدي. میر سلیم خان خوڅې وویل، چې د بلوچستان تر ټولو مهمه ستونزه بې روزګاري ده، حکومت به د خلکو، په ځانګړي ډول د ځوانانو لپاره د روزګار د برابرولو په موخه په سنجیدګۍ داسې پالیسي جوړه کړي، چې ورسره به د روزګار زمینه برابره شي.