مصنوعي ځیرکتیا: تاریخي فرصت هم، د راتلونکي ننګونه هم

(ویب نیوز)مصنوعي ځیرکتیا که له یوې خوا د ژبو، زده کړو، څېړنې او علم د ودې لپاره یو تاریخي فرصت برابروي، له بلې خوا یې چټک پرمختګ د بشري خوندیتوب او راتلونکي په اړه نوې پوښتنې هم راولاړې کړې دي. په ټوله نړۍ کې د مصنوعي ځیرکتیا متخصصین پر دې بحث کوي چې که په راتلونکي کې د مصنوعي ځیرکتیا ډېر ځواکمن نظامونه د انساني څارنې، اخلاقي اصولو او اغېزمنو خوندیتوب مقرراتو له کچې پورته شي، نو اغېزې به یې یوازې پر اقتصاد، زده کړو او کارموندنې محدودې نه وي، بلکې له بشري خوندیتوب او د بشري تمدن له راتلونکي سره به هم تړاو ولري. له همدې امله په بلوچستان کې د مصنوعي ځیرکتیا د ودې ترڅنګ د هغې د مسؤلانه، خوندي او اخلاقي استعمال لپاره د پالیسۍ، څېړنې، روزنې او خوندیتوب اصول رامنځته کول اړین دي، څو له دې نوې ټکنالوژۍ څخه د مورنیو ژبو، زده کړو او علم د ودې لپاره اغېزمنه ګټه واخیستل شي او د احتمالي منفي اغېزو پر وړاندې پر وخت د خوندیتوب زمینه برابره شي.