د حکومت د ۱۰۰ روپیو سبسایډۍ له امله به پېرودونکي او د پټرولو پمپ مالکین سره وجنګېږي: همایون خان

کوټه(ویب نیوز) د آل پاکستان پټرول پمپ اونرز ایسوسی اېشن مشر همایون خان ویلي چې د حکومت له خوا د پټرولو پر بیه د ۱۰۰ روپیو سبسایډۍ له امله ښايي د پېرودونکو او پټرولو پمپ مالکانو ترمنځ شخړې رامنځته شي. نوموړي په راولپنډۍ کې یوې غونډې ته د وینا پر مهال وویل چې حکومت پالیسۍ جوړوي، خو د پټرولو پمپ مالکانو ته معلومات نه ورکول کېږي او د ۱۰۰ روپیو سبسایډۍ په اړه هم دوی نه دي خبر کړل شوي. هغه وویل چې د پټرولیم محصولاتو په بیو کې ورځني بدلونونه د پمپ مالکانو ته زیان رسوي او حکومت باید لېوي ختمه کړي او خلکو ته مستقیمه اسانتیا ورکړي. نعمان بټ وویل چې حکومت سبسایډي اعلان کړې، خو دا یې نه دي ویلي چې د پټرولو پمپ مالکانو ته به دغه پیسې څنګه بېرته ورکول کېږي.