بلدیاتي ادارې د اشرافيې د ګټو لپاره کارول کېږي، رحیم کاکړ

کوټه (ویب نیوز)د پاکستان تحریک انصاف مشر او د کوټې پخواني ښاروال رحیم کاکړ ادعا کړې چې بلدیاتي ادارې د اشرافيې د شخصي ګټو او د ۲۰۱۰ کال د فراډ ایکټ په نوم د درغلیو لپاره کارول کېږي. نوموړي د میټروپولیټن کارپورېشن د ملکیتونو، پارکینګ او ټیکس راټولولو، صفا ډلې، د صفایۍ کارکوونکو او وسایطو، د واټونو څراغونو، سړکونو، کوڅه‌ګردو سپیو، پرمختیايي چارو او د ودانیز کوډ په اړه د بې نظمۍ او فساد تورونه ولګول. رحیم کاکړ وویل چې د بلدیاتي ادارو اړوند چارواکي او مسوول کسان باید د خپلو کړنو حساب ورکړي او ادعا یې وکړه چې تحریک انصاف به د هرې معاملې حساب اخلي.