علي امین ګنډاپور ته د پنجاب پولیس په بند کې د برېښنايي شاکونو د ورکولو ادعا

کوټه(ویب نیوز) د پاکستان تحریک انصاف د ملي اسمبلۍ غړي فیصل امین ګنډاپور ادعا کړې چې د هغه ورور او د خیبر پښتونخوا پخواني وزیراعلیٰ علي امین ګنډاپور ته د پنجاب پولیسو په بند کې د غاړې په شا برخه کې برېښنايي شاکونه ورکړل شوي دي. د فیصل امین په وینا، د دې مبینې ټپ له امله علي امین اوږده موده له درد سره مخ و او وروسته د جراحۍ پر مهال د غاړې په شا برخه کې ۹ ټانکې ولګېدل. هغه په ټولنیزو رسنیو کې د علي امین عکسونه هم خپاره کړي او ویلي یې دي چې دا عکسونه یې د ځینو کسانو د مبینې تبلیغاتو له امله خپاره کړي دي.