بلوچستان: د امنیتي ځواکونو په عملیاتو کې ۱۹ ترهګر وژل شوي، نائب صوبیدار شهید

کوټه (ویب نیوز)د آی اېس پي آر په وینا، امنیتي ځواکونو د بلوچستان په بېلابېلو سیمو کې د استخباراتي معلوماتو پر بنسټ او د سیمو د پاکولو عملیاتو پر مهال ۱۹ ترهګر وژلي، په داسې حال کې چې د ډزو په تبادله کې د پاکستان پوځ یو نائب صوبیدار شهید شوی دی. د آی اېس پي آر له مخې، د کوټې ولسوالۍ په شعبان سیمه کې د سپټمبر له ۲۱مې راهیسې د روانو عملیاتو پر مهال تر اوسه ۱۳ ترهګر وژل شوي او د وژل شویو کسانو له ولکې څخه وسلې، مهمات او چاودېدونکي توکي هم ترلاسه شوي دي. امنیتي ځواکونو د ترهګرو ګڼ مرکزونه هم پاک کړي او په نورو سیمو کې عملیات روان دي.