د ملګرو ملتونو عمومي اسمبلۍ: ولې ټرمپ مخکې د برازیل ولسمشر وینا وکړه؟

کوټه (ویب نیوز)د ملګرو ملتونو د عمومي اسمبلۍ په غونډه کې د برازیل ولسمشر په دودیز ډول لومړۍ وینا کوي او له هغه وروسته د کوربه هېواد، امریکا ولسمشر وینا کوي. د ملګرو ملتونو د معلوماتو له مخې، برازیل له ۱۹۵۵ کال راهیسې لومړۍ وینا کوي، ځکه د عمومي اسمبلۍ په لومړیو کلونو کې هېڅ هېواد نه غوښتل چې لومړی وینا وکړي او برازیل په خپله خوښه دغه مسوولیت پر غاړه واخیست. امریکا د کوربه هېواد په توګه دویمه وینا کوي. له دې وروسته د ویناوالو ترتیب د بېلابېلو عواملو پر بنسټ ټاکل کېږي، چې پکې د هېواد د استازي رسمي مقام، د وینا لپاره د غوښتنې نېټه او جغرافیایي توازن شامل دي. په عمومي ډول لومړی د دولتونو مشران، بیا د حکومتونو مشران او وروسته مرستیال ولسمشران، ولیعهدان، د بهرنیو چارو وزیران او نور استازي ویناوې کوي.