په کوهلو کې د دولتي افسرانو نشتون؛ خلک له ستونزو سره مخ دي

کوهلو (وېب نیوز) د کوهستان مری، کوهلو په ولسوالۍ کې د بېلابېلو دولتي ادارو د مشرانو په خپلو دفترونو کې د نه حاضرېدو له امله خلک د خپلو اداري چارو او ستونزو د حل په برخه کې له مشکلاتو سره مخ دي. د خلکو په وینا، د کوهلو د مرستیال کمېشنر تر لېږد وروسته د نوي مرستیال کمېشنر د ټاکنې او راتګ ځنډ هم اداري چارې اغېزمنې کړې دي. خلکو له لوړو چارواکو غوښتي چې د دولتي افسرانو حاضري یقیني او ضلعي اداره فعاله کړي، څو د خلکو ستونزې پر وخت حل شي.