په کوهستان مری کې د څارنوالۍ کمپلېکس په جوړولو کې د بې‌ضابطګیو ادعا

کوهلو (وېب نیوز) د بلوچستان د کوهستان مری ولسوالۍ د تعمیراتو او مواصلاتو محکمې اجرائیوي انجینر محبت مری د څارنوالۍ د جوړېدونکي کمپلېکس ناڅاپي لیدنه کړې او د تعمیراتي کارونو پر کیفیت یې ناخوښي څرګنده کړې ده. نوموړي اړوندو چارواکو ته لارښوونه کړې چې خراب جوړ شوي برخې دې ونړول شي او له سره دې د دولتي معیارونو او مقرراتو مطابق جوړې شي. محبت مری وویل، په دولتي پرمختیايي پروژو کې به د کیفیت په برخه کې هېڅ ډول جوړجاړی ونه شي او د عامه بودجې له لارې جوړېدونکې ودانۍ باید معیاري او دوامدارې وي.