اسیايي پارا لوبې: د پاکستان حیدر علي د سپینو زرو مډال وګاټه

کوټه (ویب نیوز) په جاپان کې د روانو اسیايي پارا لوبو د ډسکس غورځولو په سیالۍ کې د پاکستان نوموتي پارا لوبغاړي حیدر علي د سپینو زرو مډال وګاټه. حیدر علي ډسکس ۵۷.۲۰ متره وغورځوله او دویم مقام یې ترلاسه کړ. نوموړي په دې کارکردګۍ سره خپل نوی شخصي غوره ریکارډ هم جوړ کړ. د سیالۍ د سرو زرو مډال د ازبکستان لوبغاړي او د برونزو مډال د هند لوبغاړي وګاټه. حیدر علي تر دې وړاندې هم په بېلابېلو نړیوالو سیالیو کې د پاکستان لپاره مډالونه ګټلي دي.