د سلطان آف جوهر د ځوانانو هاکي سیالۍ: پاکستان له مالیزیا ماتې وخوړه

کوټه (ویب نیوز) د سلطان آف جوهر د ځوانانو هاکي سیالیو په یوه په زړه پورې لوبه کې کوربه مالیزیا پاکستان ته د ۲ پر وړاندې د ۳ ګولونو په توپیر ماتې ورکړه. دغه لوبه د مالیزیا په جوهر بهرو ښار کې ترسره شوه، چې پاکستان تر ۴۳مې دقیقې پورې د ۱-۲ ګولونو په توپیر مخکې و، خو کوربه لوبډلې په وروستیو شېبو کې دوه ګولونه وکړل او بریا یې خپله کړه. د پاکستان لپاره عادل په ۳۶مه او ۴۳مه دقیقه کې ګولونه ووهل. په ۵۱مه دقیقه کې رانا ولید ته سور کارت ورکړل شو، چې له امله یې پاکستان پاتې لوبه له یوه لوبغاړي کم ترسره کړه. د مالیزیا لپاره ناونیش پانیکر دوه او محمد صالح یو ګول وواهه. د پاکستان لوبډله به خپله راتلونکې لوبه د جمعې په ورځ د جاپان پر وړاندې ترسره کړي.