په جهل مګسي کې د ښوونځي چپړاسي له تښتونې وروسته وژل شوی

جهل مګسي (وېب نیوز) د جهلمګسي ولسوالۍ د ګنداوا تحصیل په خاري سیمه کې د یوه دولتي لېسې چپړاسي عبدالرحشید دیناري د ناپېژاندو وسله‌والو له خوا له تښتول کېدو وروسته وژل شوی دی. د پولیسو د معلوماتو له مخې، نوموړی تېره ورځ د خاري لېسې له ودانۍ څخه په زور وړل شوی و، خو مړی یې د کوټړا ترڅنګ په غاتره سیمه کې وموندل شو. پولیسو مړی د قانوني چارو لپاره روغتون ته لېږدولی او د پېښې پلټنې یې پیل کړې دي. د پېښې له امله په سیمه کې وېره او اندېښنه خپره شوې ده.