په اوتھل کې د مسافر وړونکي کوچ او وېګن ټکر، ۱۲ کسان مړه او ۲۲ ټپیان

اوتھل (یو اېن اې) د لسبېلې ډویژن په مرکز اوتھل کې د ملي لویې لارې په زیرو پواینټ سیمه کې د مسافر وړونکي کوچ او وېګن د ټکر له امله ۱۲ کسان مړه او ۲۲ نور ټپیان شوي دي. د ژغورنې سرچینو په وینا، په مړو کې پنځه ښځې هم شاملې دي. مړي او ټپیان د اوتھل روغتون ته لېږدول شوي او سخت ټپیان د نورو درملنو لپاره کراچۍ ته استول شوي دي. پولیسو، ادارې او د ژغورنې ډلو د مرستې چارې ترسره کړې دي.