ټرمپ: د ټاکنو پایلې منلو ته بشپړ چمتو یم

واشنګټن (وېب نیوز) د امریکا ولسمشر ډونالډ ټرمپ د ډیموکراټانو ټاکنیزې بریاوې منلې او ویلي یې دي چې د ټاکنو پایلې منلو ته بشپړ چمتو دی. هغه په خپل ټولنیز حساب ټروت سوشل کې ادعا کړې چې که دی خپله هم په ټاکنو کې نوماند وای، جمهوري غوښتونکو به په پراخ اکثریت بریا ترلاسه کړې وه. د ټاکنو متخصصینو او ډیموکراټانو اندېښنه لرله چې سپینه ماڼۍ ښایي د ټاکنو پایلې وننګوي، خو تر اوسه ټاکنې په عمومي ډول په ارامه او منظم ډول ترسره شوې دي.