د ۹۲ نيوز د رپورټر حماد علي پر ضد د پېکا قانون مقدمې وغندل شوې

کوټه (وېب نيوز) د بلوچستان يونين آف جرنلسټس د ۹۲ نيوز کوټې بيورو د رپورټر حماد علي پر ضد د پېکا قانون له مخې د مقدمې او د اېن سي سي اې له خوا د نوټس ورکولو پر موضوع اندېښنه څرګنده کړې ده. د بي يو جې مشر منظور احمد رند او جنرل سېکرټري شاه حسين ترين په ګډ بيان کې غوښتنه کړې چې د موضوع لوړه کچه پلټنه دې وشي او قانوني غوښتنې دې پوره کړل شي. د بي يو جې په وينا، هغه خبر چې پر بنسټ يې رپورټر ته نوټس ورکړل شوی، د ايف آى ار پر متن او په نورو رسنيو کې پر خپرو شويو معلوماتو ولاړ و.