چمن (سید سردار محمد خوندئی)
د چمن د سوداګرۍ او صنعت خونې د نوي ټاکل شوې کابینې د لوړې پرتمینه غونډه د چمن په ټریډ سنټر کې ترسره شوه.
په غونډه کې حاجي محمد حنیفیاء خان اڅکزی د راتلونکو دوو کلونو لپاره د صدر، محمد مدثر د سینئر نائب صدر او مقصود خان کاکړ د نائب صدر په توګه د خپلو چوکیو لوړه وکړه.
د غونډې پیل په رسمي توګه د قرآن پاک د تلاوت څخه وشو، تر دې وړاندې ملي ترانه وړاندې شوه چې د احترام لپاره ټول ګډونوال له خپلو څوکیو څخه پاڅېدل.
د لوړې په مراسمو کې قبایلي مشرانو، د ښار معززینو، علماوو کرامو، مدني ټولنې، انجمن تاجران، ټریډ یونین، سوداګریزې ټولنې او د فکر د بېلابېلو مکتبونو پورې اړوندو کسانو په لویه شمېره کې ګډون کړی و.
په غونډه کې د بزنس فاونډر ګروپ چیئرمین او د چمن د سوداګرۍ او صنعت خونې پخواني صدر جلالت خان اڅکزی، د ټریډ یونین چیئرمین او پخواني صدر حاجي عمران خان کاکړ، د نورزي قوم مشر حاجي امین الله خان نورزی، خان امان الله خان اڅکزی، حاجي عبدالشکور، د پاک افغان ګډې سوداګرۍ او صنعت خونې نائب صدر حاجي عبدالغفار، پخواني نائب صدر حاجي عبدالغني، د چمن د سوداګرۍ خونې پخواني صدر حاجي نیاز محمد خلجي، د مدني ټولنې صدر بشیر احمد، حاجي عبدالشکور خان اڅکزی، د صالحزي قوم مشر خان عبدالغفار خان اڅکزی، حاجي مجاهد خان نورزی، د میونسپل کارپوریشن ډپټي میئر مطیع الله، حاجي عبدالرازق کاکړ، حاجي عمران خان اڅکزی، د انجمن تاجران صاحب جان اڅکزی، ټولنیز مشر علي خان اڅکزی او کلیم الله حکمت یار، نجم الدین په ګډون نورو ویناوالو ویناوې وکړې.
ویناوالو نوې ټاکل شوې کابینې ته مبارکي ورکړه او هیله یې څرګنده کړه چې نوې رهبري به د سوداګریزې ټولنې د ستونزو په حل، د سوداګریزو فعالیتونو په وده او د چمن د سوداګریزې ټولنې د حقونو په ساتنه کې اغیزمن رول ولوبوي.
په دې موقع د چمن د سوداګرۍ او صنعت خونې نوي ټاکل شوي صدر حاجي محمد حنیف اڅکزی په خپله وینا کې وویل چې سوداګریزې ټولنې کوم باور ښودلی دی هغه خپل مسوولیت ګڼي. نوې کابینه به ټول سوداګر سره یو ځای بوځي او د چمن د سوداګریزې ټولنې د ستونزو د حل لپاره به خپل بشپړ رول ولوبوي.
هغه زیاته کړه چې د چمن د سوداګرو د ستونزو د حل لپاره به له اړوندو چارواکو او ادارو سره اغیزمنې اړیکې ونیول شي، په داسې حال کې چې د سوداګریز چاپیریال د ښه کولو او د سوداګریزې ټولنې د مشروع غوښتنو د حل لپاره به هره ممکنه هڅه وشي.
د غونډې په پای کې نوې ټاکل شوې کابینې او اجرائیوي غړو ته دودیزې کلتوري لونګۍ ور په سر شوې، ګډونوالو نویو مسوولینو ته مبارکي ورکړه او د هغوی لپاره یې د نیکو هیلو څرګندونه وکړه، په داسې حال کې چې د ټولو ګډونوالو په ویاړ پرتمینه چای مېلمستیا هم ورکړل شوه.
