د ن ليګ او پيپلز ګوند ترمنځ د قانون جوړونې خنډ لرې شو، د ټاکنیزو اصلاحاتو کمېټې مشري پيپلز ګوند ته

کوټه (ویب نیوز) د مسلم ليګ ن او د ائتلافي ګوند پيپلز ګوند ترمنځ د قانون جوړونې په برخه کې روان اختلاف پای ته رسېدلی دی. د سرچينو په وینا، دواړو ګوندونو د ټاکنیزو اصلاحاتو لپاره د پارلماني کمېټې پر جوړېدو هوکړه کړې او مشري به یې پيپلز ګوند ته ورکول کېږي، په داسې حال کې چې په کمېټه کې به ټولو پارلماني ګوندونو ته د دوی د څوکيو له شمېر سره سم استازیتوب ورکړل شي. پيپلز ګوند به په قومي اسمبلۍ او سېنېټ کې د حکومت د قانون جوړونې ملاتړ کوي او دواړو لورو د آی اېم اېف له شرطونو سره تړلو بلونو په ګډون د شاوخوا ۳۰ بلونو پر منظورۍ هم هوکړه کړې ده.