پاکستان له اسیايي هاکي اتلولۍ ټرافي ووت، بنګله دېش شامل شو

کوټه (ویب نیوز) د پاکستان هاکي فدراسیون له خوا په هند کې د ۲۰۲۶ اسیايي هاکي اتلولۍ ټرافي کې د ګډون له انکار وروسته، اسیايي هاکي فدراسیون د پاکستان پر ځای بنګله دېش سیالیو ته شامل کړی دی. بنګله دېش د ګډون بلنه منلې او په ټورنمنټ کې یې د ګډون پخلی کړی دی. سیالۍ به د اکتوبر له ۲۷مې تر نومبر ۵مې پورې په جالندهر او موهالي کې ترسره کېږي، چې هند، مالیزیا، چین، جاپان، سویلي کوریا او بنګله دېش به پکې ګډون کوي. د سیالیو د نوي ډراز اعلان سبا تمه کېږي. پاکستان هاکي فدراسیون د امنیتي اندېښنو او د پاکستان او هند د اړیکو د ترینګلتیا له امله هند ته د لوبډلې له لېږلو ډډه کړې او د پاکستان د لوبو د بې پرې ځای ته د انتقال غوښتنه یې هم کړې وه.