پښتونخوا ایس او د جمهوریت او وطن شهیدانو ته درناوی وړاندې کړ

کوټه (ویب نیوز) پښتونخوا سټوډنټس ارګنایزېشن د ۱۹۸۳ کال د اکتوبر اوومې د جمهوریت شهیدانو او د ۱۹۹۱ کال د اکتوبر یوولسمې د وطن شهیدانو ته د درناوي وړاندې کولو پر مهال ویلي چې د هغوی قربانۍ د ملي، جمهوري او سیاسي مبارزې د تاریخ نه هېریدونکې برخه ده. سازمان پر زده کوونکو او ځوانانو غږ کړی چې د علم، پوهاوي، تنظیم او سوله ییزې جمهوري مبارزې له لارې د خپلو حقونو لپاره رول ادا کړي.