په دکی کې تښتول شوي ۱۱ مزدوران له ۱۵ ورځو وروسته خوشې شول، د یوه مزدور مړی مخکې موندل شوی و

دکی (ویب نیوز) د ډدکی د نانا صاحب زیارت پلړئي په سیمه کې د یوې ساختماني کمپنۍ له کېمپ څخه ۱۵ ورځې مخکې تښتول شویو ۱۲ مزدورانو څخه ۱۱ بېرته خوشې شوي دي. د پولیسو په وینا، د شاهد په نوم د یوه مزدور مړی تر دې مخکې د کوهلو د نرهن ندی له سیمې موندل شوی و، خو پاتې ۱۱ مزدوران تښتوونکو په کوهلو کې پرېښودل. په خوشې شویو کسانو کې د پنجاب د رحیم یار خان ولسوالۍ ۱۰ مزدوران او یو ځايي کارګر شامل دي. ادارې ټول خوشې شوي مزدوران لورالایي ته لېږدولي او د پېښې پلټنې روانې دي.