په کوټه کې د ګاز د لږ مصرف باوجود د درنو بلونو شکایتونه

کوټه (یو اېن اې) د کوټې اوسېدونکو د ګاز د غیرمعمولي درنو بلونو په اړه اندېښنه ښودلې او له اړوندو چارواکو یې د سمدستي پلټنو غوښتنه کړې ده. د شکایتونو له مخې، ځینو مصرفوونکو ته د یوازې دوو، ۵۰ یا ۶۵ یونټونو ګاز کارولو باوجود له ۱۸ زرو روپیو زیات بلونه رسېدلي دي. ښاریانو له سوئي سدرن ګاز شرکت او اړوندو ادارو غوښتي چې د میټرونو شمېرې، تعرفې، ټاکلي لګښتونه او مالیات وڅېړي او ناسم بلونه اصلاح کړي.