د فیفا د ۱۵ کلنو نړیوال جام؛ پاکستان له ګامبیا څخه ۲-۴ ماتې وخوړه

کوټه (وېب نيوز) د اذربایجان په کوربه‌توب د فیفا د ۱۵ کلنو نړیوال جام او فېسټېوال ۲۰۲۶ په لومړۍ ورځ د پاکستان د ځوانانو د فوټبال لوبډلې په خپله لومړۍ لوبه کې له ګامبیا څخه ۲-۴ ماتې وخوړه. پاکستان لوبه په تېز برید پیل کړه؛ امیر حمزه په پنځمه دقیقه کې ګول وکړ او باکسي حمل خان د ښکلي شاټ په وسیله د پاکستان برتري دوه ـ صفر ته ورسوله. خو ګامبیا د لومړۍ نیمايي تر پایه د پاکستان برتري کمه کړه او په دویمه نیمايي کې یې درې نور ګولونه وکړل او لوبه یې وګټله. د پاکستان له لوري کلیم الله هم څو ځله د ګول وهلو هڅې وکړې، خو د ګامبیا ګول ساتونکي یې مخه ونیوله. پاکستان ونه شو کولای خپله لومړنۍ دوه ګولیزه برتري وساتي او په دې تاریخي لومړۍ لوبه کې یې ماتې وخوړه.