اسرائیل د ټاکنو مخکې د لوېدیځې غاړې لارې تړلې، په الخلیل کې پوځي عملیات روان دي

کوټه(ویب نیوز) اسرائیلي پوځ اعلان کړی چې د ټاکنو پر مهال به د اشغال شوې لوېدیځې غاړې ځمکنۍ لارې تړلې وي او فلسطیني کارکوونکو ته به په اسرائیلي مېشت‌ځایونو او صنعتي سیمو کې د تګ راتګ اجازه محدوده شي. دا اقدامات د دوو اسرائیلي سرتېرو تر وژل کېدو وروسته د پیل شوي امنیتي عملیاتو برخه بلل شوي دي. د ځايي چارواکو په وینا، په الخلیل کې د پوځي عملیاتو له امله شاوخوا دوه زره او دوه سوه فلسطینیان له خپلو کورونو بې‌ځایه شوي او ګڼې استوګنیزې او سوداګریزې ودانۍ زیانمنې شوې دي.