فېسبوک کې تخنیکي ستونزې، کوټه او بلوچستان کې زرګونه کاروونکي له مشکلاتو سره مخ

کوټه (وېب نيوز)د ټولنیزې رسنۍ مشهور اپلېکېشن فېسبوک په نظام کې د ناڅاپي تخنیکي خرابۍ له امله کوټه او د بلوچستان نورو سیمو کې د دې خدمتونو کاروونکي له ستونزو سره مخ شوي دي. د راپورونو له مخې د تخنیکي ستونزې له امله د ګڼو کاروونکو اکاونټونه په خپله لاګ اوټ شوي، د موبایل اپلېکېشن او وېب پاڼې نیوز فیډ کار بند کړی او ډېری کاروونکي د لاګ اېن کېدو او پاڼو د تازه کولو له ستونزو سره مخ دي. د دې ناڅاپي بندښت له امله نه یوازې عام کاروونکي اغېزمن شوي، بلکې د ډیجیټل رسنیو او انلاین کاروبارونو فعالیتونه هم ټکني شوي دي.