کوټه (وېب نیوز) د درخشان کسټمز چارواکو د یوې مهمې او بریالۍ کارروایۍ پر مهال د پټو معلوماتو پر بنسټ یو شکمن ټرک ودرولو او د پلټنې په ترڅ کې یې د ټرک له پټو خوندو څخه د ۱۸ کروړه روپیو څخه زیات ارزښت لرونکی آیس (کرسټل میت) ترلاسه کړ. دغه عملیات د کلیکټر کسټمز شاهد خان او ډپټي کلیکټر رضوان په لارښوونه د انسپکټر محمد علي مندوخیل او د هغه د ډلې له خوا ترسره شول. د کسټمز چارواکو په وینا، دغه خطرناک نشه يي توکي د هېواد نورو لویو ښارونو ته د قاچاق لپاره لېږدول کېدل. د عملیاتو پر مهال د ټرک چلوونکی په تېښته بریالی شو، خو ټرک او ترلاسه شوي نشه يي توکي د کسټمز له خوا ضبط او نورې پلټنې پیل شوې دي. چارواکي وایي چې د تښتېدلي قاچاقبر او د هغه د شبکې د نورو غړو د نیولو لپاره هڅې روانې دي.
دجنوبي پښتونخوا لمړی ورځپاڼه | ورځپاڼه نوي ژوند کوټه
ځاي خبرونو
اشتہار
د پاک چین دوستي دې ژوندۍ وي
د پاک چین دوستي دې ژوندۍ وي