کوټه: د دیوال لوېدو له امله دوه ماشومان مړه، یو سخت ټپي شوی

کوټه(وېب نیوز) د خالق شهید تاڼې په حدودو کې یوه دردناکه پېښه هغه وخت رامنځته شوه کله چې د لوبو پر مهال پر ماشومانو یو زوړ دیوال راوغورځېد، چې له امله یې دوه ماشومان په ځای مړه شول او یو بل سخت ټپي شو. پولیس او د ژغورنې ډلې ژر د پېښې ځای ته ورسېدل او ټپي ماشوم یې روغتون ته ولېږداوه چېرې چې د هغه درملنه روانه ده. د مړو شویو ماشومانو پېژندګلو 15 کلن زبیر او 10 کلن عمر په نومونو شوې ده. پولیسو د پېښې پلټنې پیل کړې دي.