اے پي اېن اېس د پیکا قانون له مخې ورځپاڼې نوې بات ته د ورکړل شوي نوټس سخته غندنه وکړه

کوټه (ویب نیوز) د آل پاکستان نیوز پیپرز سوسایټۍ (اے پي اېن اېس) د پیکا قانون له مخې د نیشنل سایبر کرایم انویسټیګیشن ایجنسۍ (این سي سي آی اې) له خوا ورځپاڼې «نوې بات» او د هغې لیکوال ته د ورکړل شوي نوټس سخته غندنه کړې او دا یې د رسنیو پر ازادۍ، د بیان پر ازادۍ او د خلکو د معلوماتو پر حق برید بللی دی. د اے پي اېن اېس مشرانو ویلي چې پیکا قانون د سایبري جرمونو د مخنیوي لپاره جوړ شوی او باید پر چاپي رسنیو تطبیق نه شي. دوی ټینګار کړی چې د رسنیو پر ضد دا ډول اقدامات به د وېرې فضا رامنځته کړي، ځان سانسوري به زیاته کړي او د ولسي حساب ورکونې بهیر به کمزوری کړي. سازمان غوښتنه کړې چې د «نوې بات» ورځپاڼې ته ورکړل شوی نوټس دې سمدستي بېرته واخیستل شي او د رسنیو او خبریالانو پر ضد دې د پیکا قانون ناسمه کارونه ودرول شي.