د اوبو پر مسئله که له هند سره کوم اقدام ته اړتیا شوه، حتماً به یې وکړو: رانا ثناءالله

کوټه (ویب نیوز) د پاکستان د وزیراعظم سلاکار ویلي چې د باوري معلوماتو له مخې هند څو بندونه جوړوي چې د چناب سیند د اوبو پر بهیر اغېز کولای شي. نوموړي وویل که د اوبو د مسئلې په اړه له هند سره د کوم اقدام اړتیا پېښه شي، پاکستان به یې حتماً ترسره کړي. هغه زیاته کړه چې پاکستان باید د اوبو د زېرمه کولو لپاره نوي بندونه او ذخیرې جوړې کړي څو راتلونکو آبي ستونزو ته چمتو وي. رانا ثناءالله همداراز د ایران او امریکا ترمنځ د پاکستان د منځګړیتوب رول وستایه او دا یې د سیمې د سولې او ثبات لپاره مهم پرمختګ وباله.